Anija “Butrinti” e Forcës Detare është nisur në operacionin e NATO-s në Egje dhe do të zëvendësojnë në misionin “Sea Guardian” anijen “Oriku” e cila shërbeu për rreth 1 vit në detin Egje, duke marrë pjesë në shumë operacione shpëtimi.
Gjatë fjalës së saj, ministrja e Mbrotjes, Olta Xhacka tha se në operacionin e NATO-s në Egje, Shqipëria dërgon kontingjentin e 7-të dhe anija ‘Butrinti’ është e mirëpajisur me fjalën e fundit të teknologjisë mbrojtëse, ndërsa kishte një mesazh edhe për ushtarakët shqiptarë.
“Jeni një shembull shumë i mirë për të gjithë qytetarët e Republikës sonë. Me vetëmohim jeni angazhuar në të gjitha situatat e vështira të ardhura edhe nga natyra dhe jeni të parët në përballimin e çdo vështirësie. “Butrinti” do ta çojë më përpara emrin e mirë që FA kanë vendosur në çdo mision të Aleancës. “Butrinti” e mirëpajisur me fjalën e fundit të teknologjisë mbrojtëse, ndërsa veç “Butrintit” do të pajisen me armatim edhe 3 anijet e tjera, Iliria, Oriku dhe Lisus”- tha Xhacka.
