Fansa të Princit Harry dhe Meghan Markle, gëzohuni! Televizioni amerikan Lifetime do të publikojë një film që shfaq historinë e tyre të dashurisë, quajtur “Harry dhe Megan: The Royal Love Story”.
Filmi “dokumenton flirtimin dhe historinë e dashurisë mes një princi dhe të fejuarës së tij” dhe do të përfshijë gjithçka: që nga njohja prej miqve të përbashkët deri tek fejesa në nëntor të 2017-s. Gjithashtu, thuhet se në film do të analizohet jeta e Meghan-it si aktore e divorcuar.
Momentalisht, produksioni po mban audicione për të gjetur kastin e duhur dhe nuk ka deklaruar ende ndonjë datë publikimi. Sidoqoftë, i njëjti televizion prodhoi një film për historinë e dashurisë së Princit William dhe Kate Middeton, i cili u transmetua pak ditë para dasmës së tyre.
Princ Harry dhe Meghan do të martohen më 19 maj dhe besojmë se filmi do të hijeshojë ekranet e televizorëve rreth kësaj date.
