Kreu i Shtetit, Ilir Meta ka qenë sot i ftuar në emisionin “Të Paekspozuarit” në News 24, ka folur në lidhje me akuzat që i janë bërë kohët e fundit, që ai po merr në dorë frenat e opozitës.
Meta gjatë intervistës së tij tha se ai është shumë i përkushtuar për të zbatuar Kushtetutën dhe të vijojë të bëj punën e tij si President, punë që nuk e ndërron me asnjë në botë.
Ju jeni një politikan race dhe keni ambiciet tuaja. Një analistë i njohur thotë se protagonizmi juaj, bëhet për të marrë frenat e opozitës në dorë…
Unë nuk e shoh aspak këtu, kjo zgjedhje u bë në një rast krize dhe kjo krizë kaloi. Deri në 24 korrik të vitit 2022, jam i motivuar që të vijojë këtë detyrë dhe nuk e ndërroj me asnjë detyrë as në Shqipëri dhe as në botë, por do të vijojë të luftojë për këtë Kushtetutë.
Nuk kam ambicie as për këto zgjedhje dhe as të zgjedhjeve të 2021 nuk kam farë lidhje.
Jeni ndjerë i kërcënuar nga Rama? Meta flet për herë të parë: Jam më i mbrojturi
Përballë Rakipit, Meta ka folur edhe një herë në lidhje me mosdekretimin e Gent Cakajt, dhe për kërcënimet që janë bërë në drejtim të tij për këtë rast.
Refuzimi i Gent Cakajt. Jeni ndjerë i kërcënuar në këtë rast, pasi keni thënë që keni marrë kërcënime?
Duhet të kemi parasysh zoti Rakipi, nuk është problemi se unë ndihem i kërcënuar, por me shumë histori të tjera që lidhen me historinë time dhe karakterin tim. Jo më kot, Presidenti është institucioni më i mbrojtur në Shqipëri.
Kur tentohet deri këtu kuptohet se situata është rënduar shumë në raport me institucionet, me raport me mediat (kadrinjtë).
