Ambasadori i SHBA në Tiranë, Donald Lu ka siguruar edhe njëherë mbështetjen për institucionet shqiptare në luftën kundër krimit të organizuar.
Gjatë një aktiviteti të organizuar në kuadër të ‘Javës së Fëmijëve’, ai tha se SHBA mbështet shpresat e Shqipërisë përmes fuqizimit të Forcave të Armatosura.
“100 vite më parë Amerika erdhi këtu për të ngritur strehën e fëmijëve. Edhe sot SHBA mbështet shpresat e Shqipërisë përmes fuqizimit të Forcave të Armatosura, luftës kundër krimit dhe zhvillimit të institucioneve demokratike, përfshirë edhe ato që janë bërë më të forta nga reforma në drejtësi” deklaroi ambasadori Lu.
