AlpeNews.al kishte thënë dje se kryeprokurorja që do të zëvendëzojë përkohësisht Adriatik Llallën do të jetë Arta Marku.
Linku ku mund të lexoni lajmin e plotë
AlpeNews.al ka shkruar se cilat janë kriteret që e bëjnë atë favorite për këtë post: “Tre janë kriteret që duhet të përmbushi secili nga tri kandidaturat e përzgjedhura për seancën e nesërme, në mënyrë që ti nënshtrohet procesit të votimit:
Së pari, një listë prej 28 deputetësh firmëtarë nga Grupi Parlamentar i PS, do të paraqesin me shkrim kandidaturën e vet për ta votuar si Prokuror i Përgjithshëm i Përkohëshëm.
Së dyti, bashkëngjitur me firmat duhet të jetë edhe një “curriculum vitae” e kandidatit që ata do mbështesin.
Së treti, kusht ligjor është edhe paraqitja e dhënies së pëlqimit paraprak nga vetë kandidati, për të hyrë në këtë proces votimi”,- tha për Alpeneës.al burimi.
Këto hapa, janë parashikuar në nenin 111 të Kushtetutës së Shqipërisë që sanksionon “Zgjedhjen në organet kushtetuese ose të krijuara me ligj dhe dhënia e pëlqimit”, bazuar në pikën e parë të tij.
Alpenews.al avancoi duke shkruar: “Arta Marku nga nesër pritet të ulet në karriken e mbetur vakant të Adriatik Llallës në krye të Prokruorisë së Republikës. Prokurorja e Përgjithëshme e Përkohshme, deri tani ka qenë prokurore pranë organit të akuzës në Shkodër. Arta Marku njihet si një prokurore tejet heremetike, e kujdesshme për të mbetur jashtë vëmendjes mediatike e opinionit publik. Emri saj nuk është lakuar asnjëherë as për hetimin e çështjeve të bujshme por as edhe për arsye të tjera.
Linku ku mund të lexoni lajmin e plotë
Profil/ Kush është Arta Marku
ARTA MARKU, 41-vjeçarja u diplomua në shkollën e magjistraturës në vitin 2001. Një vit më pas u emërua në Prokurorinë e Shkodrës ku mbajti detyra të ndryshme, që nga shefe e njësisë task forcë në 2006 e deri zëvendës drejtuese deri në 2016.
Zonja Marku e ka nisur karrierën e saj në kohën kur kryeprokuror në Shkodër ishte Ulsi Manja, ndërkohë që prej 16 vitesh dosjet e hetuara prej saj dhe të përfaqësuara në Gjykatë kanë qenë fare të pakta. Një ndër to është dosja ndaj pedagogut Fran Qafa, i cili më pas mori pafajësinë në Gjykatë.
Në fakt për numrin e pakët të dosjeve të hetuara, zonja Marku u pyet edhe nga anëtarët e Komisionit të Ligjeve, të cilëve iu përgjigj se ajo kishte firmosur mjaft dosje të hetuara prej kolegëve dhe të përcjella në Gjykatë.
Linku ku mund të lexoni lajmin e plotë
Përgatiti: AlpeNews.al
