Në vitet ’70 dhe fillimet e viteve ’80 Alida Hisku ishte ndër këngëtaret më të njohura në Shqipëri.
Por, në kulmin e karrierës, këngët e saj u ndaluan së transmetuari papritur në verën e vitit 1982.
E ftuar në emisionin “Kush vjen për drekë”, në TV Klan, këngëtarja tha se pas përjashtimit nga skena muzikore shqiptare, është ndjerë sikur e kanë larguar nga shtëpia.
“Jam rritur në skenë nga nëna ime e cila ka qenë në Teatrin e Operas.
Në atë kohë na mernin me vete për të mbushur skenën, por në të vërtetë ka qenë një ndjesi e veçantë.
Skena pa publik ishte edhe si vend loje për ne fëmijët e artisëve në atë kohë.
Kur u përjashtova isha 23 vjeç dhe u ndjeva sikur më hoqën nga shtëpia.
Skenën e përjetoj më shumë se gjithçka, duartrokitjet janë suksesi i një këngëtari.
I jam mirënjohës publikut që edhe pa aktivitet artistik nuk më ka harruar”, tha Hisku. (TemA)