Shtatëdhjetë e nëntë vite pas nënshkrimit të Paktit Molotov-Ribbentrop, më 23 gusht 1939, vlerat tona të përbashkëta të dinjitetit njerëzor, të të drejtave themelore, të shtetit të së drejtës dhe të demokracisë janë sërish në provë nga një retorikë ekstremiste, nacionaliste dhe përçarëse, deklaroi sot zëvendëspresidenti i KE-së Frans Timmermans, si edhe eurokomisionerja e Drejtësisë, Vera Jurova, në një komunikatë për kujtimin e viktimave të të gjitha regjimeve totalitare dhe autoritare.
“Duke ruajtur dhe transmetuar memorien e mizorive të së kaluarës te brezi i ri i europianëve, ne ndihmojmë në mospërsëritjen e tyre”, theksohet në komunikatë.
”Ne duhet të vazhdojmë të tregojmë historinë e asaj që ka ndodhur për të mos bërë të njëjtat gabime në të ardhmen”, shtohet në të.
Më 23 gusht 1939, ministrat e Jashtëm gjerman dhe sovjetik, respektivisht Joachim von Ribbentrop dhe Vjaçeslav Molotov nënshkruan një pakt mossulmimi mes dy vendeve, por që nuk u respektua.
