Gjykata e Apelit ka liruar nga burgu një nga infermierët dhe sanitaren e ‘Shefqet Ndroqit’! Më konkretisht janë lënë në detyrim paraqitje infermierja Sidorela Çela dhe sanitaren, Rukije Hoxha. Ndërkohë që për Mira Bushin dhe Sheqerie Koçin, gjykata ka vendosur mospranim ankimi, për çështje procedure.
Sipas avokates së Sidorela Çelës, Antoneta Sevdarit, prokuroria nuk ka pasur asnjë provë dhe e ka vlerësuar të paligjshëm ndalimin e tyre.
Në seancën gjyqësore të zhvilluar pak ditë më parë, u vu në pah edhe një detaj i rëndësishëm, ku 3 infermierët dhe sanitarja i kishin fshirë bisedat me Tiren, duke shtuar dyshimet se janë bashkëpunaur me të. E për pasojë, mdër të tjera gjyqtarja kërkoi edhe zbardhjen sa më të shpejtë të mesazheve që të akuzuarat kanë fshirë sapo mësuan arrestimin e koleges së tyre Tire Alldervishi.
Tire Alldërvishi, sanitare e vjetër në spitalin “Shefqet Ndroqi” tashmë ndodhet pas hekurave, ndërsa hetimet e prokurorisë zbuluan se pjesë e skemës së korrupsionit ishin dhe 3 infermiere e një sanitare tjetër, të cilat u vunë në pranga. Vajza e pacientes Liljana Kalemi denoncoi në media se pagoi 8 milionë lekë të vjetra në kohë të ndryshme tek Tire Alldërvishi, me premtimin se do ia shpërndante bluzave të bardha për një kujdes më të mirë ndaj nënës së saj. Vetë sanitarja iu prezantua vajzës si infermiere, ndërsa mjekëve u tha se pacienten e kishte teze.