Policia ka ndërmarrë një aksion ditën e sotme në Vlorë, për arrestimin e personave në kërkim.
Mësohet se gjatë aksionit, në lagjen “10 korriku”, është bërë i mundur arrestimi i një personi.
Policia ka qenë në ndjekje të një mjeti, me dy persona, ndërsa njëri prej tyre ka mundur të arratiset.
Gjatë kontrollit të mjetit u gjet edhe një armë pistoletë, ndërsa polica po kreh zonën në kërkim të personit të arratisur.
Njoftimi i policisë:
Vlorë
Vijojnë denoncimet nga qytetarët në të gjithë vendin për raste të paligjshmërisë.
Falë informacionit të qytetarëve dhe reagimit në kohë të Policisë, u arrestua në flagrancë një person me armë zjarri, si dhe u shpall në kërkim një tjetër.
Sekuestrohet një armë zjarri tip “Pistoletë” dhe automjeti me të cilin udhëtonin.
Shërbimet e Policisë së Vlorës pas informacioneve të marra në rrugë operative se dy shtetas që po qarkullonin me një automjet dyshohet se kishin armë zjarri, menjëherë organizuan punën duke identifikuar vendndodhjen e personave dhe të automjetit.
Policia u ka bërë shenjë ndalimi por personat që qarkullonin me automjetin Touareg nuk i janë bindur urdhërit të punonjësit të policisë për të ndalur por janë larguar me shpejtësi.
Policia ka mundur të vërë në pranga njërin prej tyre, 31 vjeçarin A.T., nga Vlora, i cili ishte fshehur në një banesë në lagjen “10 Korriku” Vlorë, si dhe ka sekuestruar në vendin e ngjarjes një armë zjarri tip “Pistoletë” dhe një automjet “Touareg”.
Ndërkohë është shpallur në kërkim shtetasi tjetër, një 33 vjeçar që mundi të largohej, ku vazhdon krehja e zonën për të bërë të mundur kapjen e tij.
Materialet do ti referohen Prokurorisë për veprën penale “Mbajtja dhe prodhimi i armëve, armëve shpërthyese dhe municionit” kryer në bashkëpunim.
