Klevis Deda, 26 vjeç, humbi jetën mbrëmjen e djeshme si pasojë e një aksidenti të rëndë që ndodhi në rrugën Elbasan-Bradashesh. Ai udhëtonte më makinën e tij tip Volkswagen kabriole bashkë me bashkëshorten.
Mjeti me të cilin çifti udhëtonte u përplas me një minibus me pasagjerë, 5 prej të cilëve mbetën të plagosur dhe pasi u dërguan në spitalin e Elbasanit, morën mjekim dhe janë jashtë rrezikut për jetën.
Por fati nuk do të tregohej kaq bujar me çiftin Deda. Klevisi 26 vjeçar, ishte pasagjer në makinë dhe ia kishte lënë ta drejtonte atë bashkëshortja e tij, Rexhina Deda. I riu mori plagë të rënda nga përplasja e fuqishme dhe pak orë pas aksidentit, ndërroi jetë në spital, shkruan newsbomb.al.
Ndërkohë, bashkëshortja e tij që drejtonte mjetin tip Volkswagen ndodhet në gjendje kome si pasojë e përplasjes së makinës me minibusin. Klevis Deda ishte babai i një vajze të vogël, e cila në javën e parë të muajit shkurt do të bëjë 3 vjeçe.
Kujtojmë se, vetëm dje si pasojë e aksidenteve rrugore kanë humbur jetën 4 persona, ndërsa janë plagosur disa të tjerë.
Më poshtë, foto e çiftit Deda dhe makina me të cilën ata udhëtonin mbrëmjen e djeshme: