Një 57-vjeçar ka humbur jetën dhe një tjetër është plagosur në një aksident tragjik në Drenovë të Mallakastrës.
Gazetari Ervis Kuçi ka siguruar për “BalkanWeb” pamjet nga vendi i ngjarjes, ku siç duket mjeti agregat që shërbente për kryerjen e shërbimeve në puse është rrokullisur nga rreth 5 tarraca deri sa ka ndaluar, duke sjellë vdekjen e menjëhershme të njërit prej personave që ndodheshin në të.
Mësohet se dy personat po punonin me mjetin agregat në puset e naftës kur ndodhi aksidenti tragjik. I plagosuri, rreth 62 vjeç është transportuar në spitalin e Fierit në gjendje të rëndë.
