Një aksident i rëndë ka ndodhur në aksin rrugor Elbasan-Ish Metalurgji.
Mësohet se në aksident janë përfshirë tre makina të cilat janë përplasur me njëra-tjetrën. Si pasojë e aksidentit kanë mbetur të plagosur dy persona, ndërsa automjetet janë dëmtuar rëndë. Akoma nuk është bërë e ditur gjendja shëndetësore e të plagosurve.
Njëra korsi e rrugës është bllokuar për shkak të aksidentit. Akoma nuk dihet shkaqet e përplasjes së makinave, ndërkohë që policia ka mbërritur në vendngjarje dhe po kryen hetimet e nevojshme.
