Nga burgu i Drenovës ku po vuan dënimin me burg përjetë, Myrteza Çaushi thotë se do të kërkojë lirimin e tij nga gjykata e Korçës.
I njohur me emrin Zani, i dënuari për ngjarjet e vitit 1997 në Vlorë shprehet se në 17 korrik do të paraqesë prova të reja rreth akuzave mbi të.
“Jam rehabiliatuar dhe kam fëmijë të mitur. Do të punësohem nëse më lejojnë” – ka thënë ai nga Drenova.
Kujtojmë se më herët janë zhvilkuar edhe dy seanca të tjera mbi këtë çështje.
Myrteza Çaushi ishte kreu i një prej bandave në qytetin e Vlorës, gjatë trazirave të vitit 1997. Gjatë vitit 1997 gjendej i burgosur në qendrën e rehabilitimit me sigurim të cilësisë së lartë.
Çaushi arriti të arratisej gjatë një revolte që kishte shpërthyer në burg. Ai ishte i dënuar nga drejtësia greke me 101 vjet burg për vrasje, por duket se arratisja nga burgjet greke nuk e shpëtoi, pasi sot vuan dënimin me burgim të përjetshëm.
Ai u bë krahu i djathtë i Komitetit të Shpëtimit të Vlorës. Çaushi u deklarua kundërshtar i Sali Berishës. Ai dhe banda e tij akuzohen për krime të rënda.
/a.r
