Rast i ri me COVID-19 në Lezhe. Një paciente është shtruar para disa ditësh në spitalin Rajonal të Lezhës me probleme respiratore! Ky ka qenë shkak që ka shtyrë bluzat e bardha që t’i bëhet tamponi i COVID-19. 57-vjeçarja pas analizave të bëra ka rezultuar pozitive ndaj virusit.
Në spitalin e Lezhës po kryhen verifikime nga specialistë të shëndetësisë pasi dyshohet që ka pasur disa kontakte. Ende nuk dihet se nga mund ta ketë marrë virusin, por dyshohet se mund të kemi një vatër të re në këtë qytet. Djali i pacientes punon si shpërndarës picash. Ky është rasti i parë me COVID në qytetin e Lezhës pas disa muajsh.
