Këngëtarja Inida Gjata, e njohur ndryshe si Zhaku, thotë se do të kthehet nga Gjermania, ku dhe jeton, për të krijuar një parti politike.
Ajo thotë se do të sfidojë Ramën, pasi sipas saj, ky i fundit është kthyer në një diktator, dhe këtë e tregoi me prishjen e Teatrit Kombëtar.
“Kam vendosur të kthehem në Shqipëri. Po angazhohem politikisht, po themeloj një parti.
Qëllimin kam zhvillimin kombëtar, por është një parti liberale me synim zhvillimin e tregut të lirë.
Nuk e prisnim nga Edi Rama.
Edi Rama që ka qenë simbol i njeriut liberal dhe njeriut progresist, nuk mund t’ja lejonte vetes të shndërrohej në diktatorin më të tmerrshëm që kemi patur deri tani.
Unë nuk e kuptoj dot se si është tjetërsuar ky njeri
Dhe si i thotë mendja që është i pazëvendësueshëm dhe që rrënjët e tij janë kaq të thella.
Më duket aty sikur e kanë lënë Shqipërinë në mes të rrugës dhe është aksidentuar keq dhe është duke humbur gjak, dhe i vetmi njeri me makinë jam unë. Mos ta çoj në spital? Si thua?”, tha ajo në një intervistë për Adi Krastën.
(TemA)