Kreu i Partisë Demokratike Lulzim Basha thotë e ka marrë tashmë vendimin për të hyrë në zgjedhje me atë që e quan “opozita e bashkuar” ku përfshihen partitë si LSI dhe aleatët e tjerë të së djathtës.
Basha tha në emisionin “Opinion” se synon zgjedhjet e parakohëshme, por pranoi se opozita nuk e ka “një mekanizëm në dorë” që të provokojë zgjedhje të parakohëshme.
“Opozita e bashkuar do të shkojë së bashku në zgjedhje. Zgjedhje jemi të gatshëm që dje. Nuk mundet më Shqipëria të vazhdojë kështu. A kemi ne mekanizëm për të provokuar zgjedhje të parakohëshme? Ti e di që jo. Prandaj u larguam nga ai parlament, për të provokuar zgjedhje të parakohëshme,” deklaroi Basha.
