Ndërron jetë nga koronavirusi, Dragoslav Kosmajac, i njohur si trafikanti më i madh i drogës në Serbi.
Dragoslav Kosmajac, ndërroi jetë mëngjesin e ditës së sotme në Qendrën Klinike-Spitalore Dragisa Misovic në Beograd.
Kosmajac ka qenë në spital që nga fundi i muajit mars dhe ka shfaqur gjendje jo të mirë shëndetësore për shkak të pandemisë.
Ai u bë i njohur për Serbinë kur kryeministri i Serbisë në 2014, Aleksandar Vucic e quajti “trafikantin më të madh të drogës” dhe kërkoi arrestimin e tij.
Akuzat ndaj tij nuk u vërtetuan megjithëse u arrestua dhe pasuria iu konfiskua përkohësisht. Nuk pati prova për përfshirje në trafikun e drogës ndërsa akuza e vetme që rëndoi mbi të ishte ajo e evazionit fiskal.
Vucic, asokohe Kryeministër i Serbisë, vijoi me akuzat kur tha në një intervistë që i dha KRIK-ut në vitin 2016 se hetimi ndaj Dragoslav Kosmajac dështoi sepse individët që e morën përsipër çështjen, “punuan me Kosmajac”.
