Media prestigjoze botërore “Reuters” ka botuar një set fotografik me një mjeke italiane, duke treguar po ashtu sesi ajo po punon dhe po kalon këtë fazë krize të koronavirusit, mes përgjegjësisë dhe frikës.
Bëhet fjalë për Cecilia Bartanela, 35 vjece, e cila punon në Repartin e Urgjencës të Spitalit Cisanello në Pisa të Italisë. Fotoja që po bën xhiron e botës, është shkrepur në banesë nga bashkëshorti i saj, muzikanti Lorenco Marianelli, më datë 31 mars 2020.
Bartnella në foto është duke pushuar, pasi ka përfunduar një turn tepër të gjatë. Mjekja shprehet se ka frikë se mos merr koronavirusit dhe më pas virusin mund t’ua shpërndajë të afërmve të saj. Ajo në rrëfim shprehet se nuk preferon ta quajë veten heroinë, edhe pse italianët në këta ditë thonë se mjekët janë heronj të vërtetë.
“Pjesa më e vështirë është të qëndrosh larg teje, i thotë ajo bashkëshortit që e fotografon, është e vështirë sepse Petra nuk e kupton situatën. Është e vështirë t’i shpjegosh një fëmije 4-vjeçare që jemi të mbyllur brenda një spitali për shkak të koronavirusit. Nëse Petra më përqafon, jam e terrorizuar që pas 15 ditësh ajo mund të sëmuret ose nëse dëgjoj Lorenzon të kollitet, mendoj se është faji im. Kështu që duhet të përpiqem të racionalizoj situatën dhe të mendoj se po e bëj të gjithë këtë për një më mirë më të madhe”, thotë ajo.
Mjekja nga Italia deklaron sesa herë që hyn në Repartin e Spitalit, nuk mendon aspak për paratë, por për përgjegjësinë që ka dhe për të shpëtuar sa më shumë jetë.
“Unë dhe kolegët e mi jemi duke punuar me shumë përgjegjësi dhe me profesionalizëm. Unë nuk e bëj për para këtë punë, nuk besoj as kolegët e mi. Mbi të gjitha ne e ndjejmë detyrë”, tha mjekja.
