Në Milano, viktimat nga Covid-19 pothuajse janë trefishuar: 112 persona kanë humbur jetën në vetëm 24 orët e fundit, tre herë mbi mesataren, dhe më shumë se 600 njerëz kanë ndërruar jetë nga 1 deri në 6 prill.
Numri aktual i rasteve të konfirmuara me koronavirus në Milano regjistrohen mbi 11.538 të infektuar. Arsyet që bëjnë të frikësohen nga trendi i rasteve të prekura për muajin prill janë:
E para është demografike: bëhet fjalë për një popullsi prej 3.2 milionë banorë në zonën metropolitane dhe 1.4 vetëm në qytet. Rastet e njohura të Covid-19 po rriten me një normë pothuajse të dyfishtë në krahasim me pjesën tjetër të Lombardisë: 4% në javën e fundit, kundrejt 2% në pjesën tjetër të rajonit. Për ekspertët, personat që kanë rezultuar pozitivë (asimptomatikë ose të kuruar në shtëpi pa tampon) janë shumë më tepër. Vlerësohet të paktën 10-15 herë më shumë në krahasim me rastet e njohura deri më tani.
