Para se të shkoni për të rënë në gjumë duhet të pastroni thellë lëkurën dhe pastaj të aplikoni një krem për natën.
Është gjëja më e mirë që mund të bëjmë për lëkurën tonë.
Trajtimet e natës dhe ato të ditës për fytyrën kanë funksione specifike dhe kompozime të ndryshme.
Po çfarë saktësisht ndodh gjatë orëve të natës?
Para së gjithash është e rëndësishme të dimë se lëkura është e dehidratuar, temperatura e lëkurës rritet për shkak të zgjerimit të kapilarëve dhe kjo sjell një humbje të konsiderueshme të ujit nga epiderma.
Gjithashtu nis aktivizimi i procesit të rigjenerimit të qelizave për riparimin e dëmeve të shkaktuara nga ambienti gjatë ditës.
Studiuesit kanë treguar se melatonina është veçanërisht aktive nga mesnata deri në katër të mëngjesit dhe kryen veprime të ndryshme, nga rregullimi i mekanizmave të kontrollit të qarkullimit të ujit përmes epidermës, në luftën kundër radikalëve të lira për një veprim antioksidues.
DITËN APO NATËN?
Ditën përdorim kremra me substanca antioksiduese dhe me një faktor të mbrojtjes nga rrezet e diellit.
Kurse për natën vendosim kremera ushqyes, në gjendje të luftojë dehidratimin si acido ialuronik dhe me përbërës që favorizojnë veprimtarinë riparuese dhe stimuluese të aktivitetit të qelizave, si retinol dhe vitaminat C dhe E.
Ama zgjedhja e kremit varet edhe nga lëkura juaj dhe mosha.
Mund të zgjedhim trajtime të cilat mund të maksimizojnë veprimin e kremit të ditës, ose të tjerë që kanë aftësi të qetësojnë edhe lëkurën më të ndjeshme.
Në këtë rast ju mund të përdorni kremra më bazë vajra esencialë, për të favorizuar relaksimin dhe luftuar dehidratimin e lëkurës.
