Qytezat amerikane po përpiqen të ringjallin komunitetet e tyre gjithnjë e më shumë, duke nxitur njerëzit të lëvizin në fshat.
Në këtë mënyrë sipas “Daily Mail”, disa qyteza japin fonde falas, të tjera shlyejnë kreditë studentore, por ka prej atyre që dhurojnë edhe tokë falas.
Fondet që ofrohen për njerëzit që vendosin të banojnë aty, shkojnë deri në 80 mijë dollarë.
Sipas “USA Today”, Amerika rurale përbën 75% të vendit, por vetëm 16% të popullsisë, niveli më i ulët në histori.
Shifrat tregojnë se 54% e popullsisë në vitin 1910 jetonte në komunitetet rurale. Në vitin 2010 kjo shifër zbriti në 19%.
Akademikët thonë se fenomeni është i komplikuar, por kryesisht zbrazja e zonave rurale ka ardhur për shkak të zhvillimit teknologjik dhe konsolidimit të industrisë agrokulturore.
Po ashtu bota e globalizuar ka bërë që opsionet për ata që jetojnë në zonat rurale të jenë gjithmonë e më të pakta.
