Gruaja e moshuar nga Vlora që u bë viktima e 9 e koronavirusit ishte kthyer pak kohë më parë nga Italia dhe prej asaj kohë qëndronte e izoluar në shtëpi me bashkëshortin. Në fshat, fqinjët thonë se rasti u ka shtuar frikën ndaj po zbatojnë edhe këshillat për distancim social.
Viktima e 9 e pandemisë së koronavirusit në Shqipëri, ishte e para për qarkun e Vlorës.
Gruaja rreth 72 vjeçe ishte kthyer më tetë mars nga Italia me bashkëshortin, dhe prej asaj kohe siç tregojnë fqinjët e çiftit ata qëndronin në Shtëpi të Izoluar.
“Ai u fut në karantinë dhe nuk ka dalë më”
Burri rezultoi i paprekur, ndërsa gruaja sipas ministrisë së Shëndetësisë vuante edhe nga sëmundje të tjera, të njohura edhe për fqinjët.
“Ajo ka qenë e sëmurë”
Kjo ka bërë që edhe banorët e fshatrave të rrinin masat dhe të pranojnë frikën në rritje nga virusi.
Por nga ana tjetër edhe pse Poro është konfirmuar si vatër e Koronavirusit, thonë se bashkia nuk ka bërë asnjë dezinfektim.
Veç viktimës, Në Vlorë, sipas të dhënave të ministrisë së Shëndetësisë janë 5 raste të tjera të konfirmuara me koronavirus.
