Kryebashkiaku Erion Veliaj ka sqaruar punën e Bashkisë Tiranë në një lidhje live në ‘’Neës24’’ ku ka thënë se në zonat ku ka pasur të prekur po bëhet pastrim kimik kurse gjithë qyteti po bëhet dezinfektim si në gjithë Shqipërinë.
Sa i përket koshave të plehrave ai thotë se po pastrohen me një regjim 3-5 herë në ditë nga mëngjesi deri në darkë.
”Ka qenë jashtëzakonisht e vështirë. Po punojmë me pak staf. Një pjesë po punon për tërmetin. Kemi 27 skuadra që duke punuar nga shtëpia ose grupe medistancë po punojnë për dosjet pra kemi përfunduar edhe mbylljen e garës për shtëpitë. Pra lajmi i mirë është që njerëzit janë në prag të marrjes së parave apo të ndërtimit të shtëpive.
Janë dezinfektuar të gjitha rrugët. Është duke punaur ekipi zjarrfikës që ka një staf të posaçëm për dezinfektime kimike. Aty ku ka qenë pika të njerëzve të prekur.
3-5 herë regjim për koshat. Pastrim në mëngjes dhe në darkë. Është dhe një skuadër e pestë për ata që çojnë ushqimin atyre të tërmetit dhe të moshuarve.”- tha Veliaj.
