Në ditën e tretë të ndalim qarkullimit, numri i qytetarëve të ndërgjegjësuar për vetizolim ishte rritur në gjithë vendin!
Në pjesën më të madhe të qyteteve, bizneset ishin të mbyllura dhe rrugët bosh.
Të moshuarit mbeten të pa bindur!
Në Vlorë për një lojë domino pranë shokëve, këta burra kanë carë shtetrrethimin.
Faktin se janë më të rrezikuarit e kalojnë me shaka, ose me faqoren e rakisë.
“Edhe mërzitemi në shtëpi, s’kemi çfarë të bëjmë.”
“Kam pirë raki unë.”
Situata e krijuar nga koronavirusi ndërkohë në qytet ka rritur çmimet.
Agrumet shënuan çmime rekord
“Limoni dje 3 mijë lekë kilja, s’ka bërë vaki.”
“Në treg ka tregtar të ndershëm dhe jo të ndershëm.”
Ndërkohë të paktën 6 persona u kapën në rrugë në shkelje të ndalim qarkullimit me makina.
Saranda mbetet ende e pastër nga virusi, por këtë të diel kishte më shumë ndërgjegjësim.
Bizneset ishin mbyllur dhe njerëzit në rrugë ishin të paktë.
“I kemi marrë masat.”
Korça e Pogradeci, mund të konsiderohen qytetet shembull në zbatimin e këshillës për vtizolim.
Qytetarët dhe bizneset atje kanë zbatuar çdo udhëzim, ndërsa bashkitë kanë bërë dezinfektim.
Në qytetet verilindore, lëvizjet në rrugë ishin të pakta, ndërsa shkodranët duket në shtëpi i futi shiu edhe jo vendimi i qeverisë.
Në Durrës e Lezhë, e qytete të tjera lëvizjet ishin minimale.
Tregu i Milotit si kurrë më parë këtë të diel ishte i mbyllur.
Ndërsa kurbinasit kishin në shërbim vetëm dyqanet e bukës dhe farmacitë
Në Fier e Patos, lëvizjet ishin pak më të shtuara nga dita kur u konfirmua si vatër e koronavirusit me 5 të infektuar.
Policia e ndihmuar nga forcat e ushtrisë ishin në rrugë për kontrolle, por në Elbasan, të paktën dy nuse e çanë shtetrrethimin.
