Në të njëjtën karrige ku presidenti Ilir Meta u ul me 9 Shtator 2019 përballë komisionit hetimor parlamentar, që e ka marrë nën hetim, këtë të premte, 4 muaj më pas, ishte kreu i KED Ardian Dvorani.
Përpara komisionit hetimor zoti Dvorani shprehu pikëpamjet, e tij për shkresën e dërguar nga presidenti Ilir Meta më 31 Gusht 2019 për vendet vakant ne Gjykatën Kushtetuese.
“Presidenti duhet të ishte më i vetëpërmbajtur. Shkresa ishte me vonesë në kohë dhe në tejkalim të pozicionit kushtetues të presidentit. Ishte e pavend tërheqja e vëmendjes për Këshillin nga presidenti”, tha Dvorani ndër të tjera.
