Gjithçka e bërë shkrumb e hi, tym e cdo gjë e djegur. Këto janë pamjet e rënda që vijnë nga Shkodra, aty ku zjarri i rënë në barakat e komunitetit rom, i mori jetën 13- vjecares. Gazetari Senad Nikshiqi, ka siguruar për ‘BalkanWeb’, pamjet nga gjithë sa ka mbetur në vendin e ngjarjes.
Forcat e zjarrfikëses janë ende në aksion për shuarjen e flakëve,ndërsa trupi i pajetë i të miturës largohet prej andej me një autoambulancë.
Zjarri mësohet të ketë rënë rreth orës 06:00 të mëngjesit ndërkohë që zjarrfikëset fikën flakët. Ai filloi në një nga barrakat dhe më pas përfshiu edhe tre të tjera. Gazetari Senad Nikshiqi raporton për ‘BalkanWeb’ se vajza ndodhej në gjumë dhe ka qenë e pamundur për ta nxjerrë jashtë.
