Temperaturat janë ulur ndjeshëm gjatë javës. Ditën e sotme disa zona të vendit janë përfshirë nga reshje shiu ndërsa zonat malore janë përfshirë nga reshjet e dëborës.
Reshjet kanë mbuluar fshatrat turistike të Korçës, Dardhë, Voskopojë si dhe Ersekë. Trashësia e dëborës ka arritur disa centimetra megjithatë akset janë të kalueshme edhe pa zinxhirë duke mos krijuar vështirësi në qarkullimin rrugor.
Ndërkohë dëbora ka zbardhur Peshkopinë dhe qarkun e Dibrës. Në këto zona ka pasur probleme në akset rrugore, trashësia ka arritur deri në 15 centimetra. Në Peshkopi makinat kanë qëndruar të bllokuara mbi 1 orë.
Sipas sinoptikanëve shiu do të largohet në zonat malore duke larguar kështu reshjet e dëborës.
“Duke filluar nga dita e hënë dhe në vijim do të kemi kthejllime në territorin shqiptar duke bërë që që vransirat të jenë më të paktë dhe të fokusuara kryesisht në zonat malore“ , thotë sipnotikani Hakil Osmani.
“Përsa i përket vlerave termike pritet që ato të shënohen më -4 dhe -5 gradë celsicus në zonat malore, ndërsa përgjatë uletërsirës perendimore pritet që vlera maksimale të shënohet 15 gradë celcius”, thotë Osmani.
ALPEnews.al
