Presidenti i Republikës së Shqipërisë Ilir Meta ka uruar të gjithë besimtarët e krishterë, dhe jo vetëm për Kremtimin e Festës së Krishtlindjes me një status në faqen e tij të ‘Facebook’-ut.
Meta shkruan:
“Të dashur miq,
Në këtë Ditë të Bekuar, unë dhe familja ime duam t’ju shprehim urimet më të mira e të përzemërta, të gjithë besimtarëve të krishterë shqiptarë: Gëzuar Krishtlindjen!
Kjo festë e bukur e Krishtërimit, që mishëron vlera hyjnore dhe njerëzore, uroj të sjellë më shumë shpresë, lumturi e qetësi, dashuri e besim, harmoni e mirëkuptim dhe të forcojë më tej paqen në familje e në shoqëri, mes njerëzve e mes popujve, të sjellë begati sociale dhe përparim të njerëzimit.
Ndërkohë nuk harron edhe nevojtarët duke shtuar: “Të përpiqemi në këtë ditë të shenjtë të mos harrojmë të vetmuarit, njerëzit në nevojë dhe të sëmurët për t’u dhënë shpresë dhe besim.
Gëzuar nga mot Krishtlindjen!”.
Përgatiti: AlpeNews.al
Të dashur miq,Në këtë Ditë të Bekuar, unë dhe familja ime duam t'ju shprehim urimet më të mira e të përzemërta, të…
Posted by Ilir Meta on Sunday, December 24, 2017
