Arrestohet vëllai i autorit të vrasjes së 32-vjeçarit në Shkodër, ja arsyeja (Video)

Policia e Shkodrës ka vënë në pranga vëllain e autorit të vrasjes së 32-vjeçarit Angjelin Shkami, ngjarje e ndodhur më 17 dhjetor pranë varrezave në Shkodër. Kjo, pasi i janë gjetur 141 kg kanabis si dhe armë e municione.

Zyrtarisht mësohet se sot strukturat e Drejtorisë Vendore të Policisë Shkodër, në zbatim të metodave speciale të hetimit dhe në vazhdimësi të veprimeve operacionale për përcaktimin e vendodhjes dhe kapjen e autorit A.Koçeku si autor i dyshuar i vrasjes së Angjelin Shkamit u arrestua në flagrancë Klaudio Koçeku, 25 vjeç, banues në fshatin Grude e Re, vëllai i autorit të ngjarjes.

Gjatë kontrollit të ushtruar në banesën e 25-vjeçarit policia ka gjetur dhe sekuetruan në cilësinë e provës materiale 11 thasë dhe 2 bidona të mbushur me drogë, me peshë 141 kg lëndë narkotike Cannabis Sativa.

Gjithashtu gjatë kontrollit të banesës u gjeten:
4 (katër) automatik model 56,
1 (një) Çifte,
1 (një) pushkë snajper me dy fishekë,

6 (gjashtë) krëhëra me fishekë model 56,
1 (një) shkop gome
2 (dy) palë pranga policie,
1 (një) silinciator,
1 (një) thikë dhe 60 fisheke çifte 12 mm,
1 (një) peshore,
10 (dhjetë) fishekë model 54, ku sipas informacioneve policore dyshohen të jenë përdorur për ngjarje kriminale të tjera të cilat do t’i nënshtrohen egzaminimit balistik.

Materialet iu referuan në Prokurorinë e Rrethit Gjyqësor në ngarkim të shtetasit Klaudio Koçeku për veprat penale të “Prodhimi dhe shitja e narkotikëve” “Mbajtja pa leje dhe prodhimi i armëve, armëve shpërthyese dhe i municionit” “Prodhimi, mbajtja, blerja apo shitja pa leje e armëve të ftohta” e “Prodhimi dhe mbajtja pa leje e armëve të gjuetisë dhe sportive” parashikuara nga nenet 283, 278, 279, e 280 të Kodit Penal.