Janë publikuar pamjet brenda makinës së prokurorit Arjan Ndaja ku mbeti i plagosur vetë prokurori, Pëllumb Muharremi dhe Andi Maloku.
Në videon e publikuar nga OraNews, shihet sesi anëtarë të grupit hetimor, veshur me kominoshe të bardha nxjerrin disa prej dosjeve të gjetura në një thes brenda bagazhit të makinës.
Në pamje duken hetuesit e policisë shkencore që kryejnë kontrollin e automjetit që drejtohej nga Andi Maloku, shoferi i prokurorit. Ende nuk ka konfirmim zyrtar për përmbajtjen e materialeve pasi po verifikohen nga grupi hetimor, ndërsa ka dyshime të forta se dosjet që Prokurori Ndoj mbante në makinë lidhen me çështjen e pronave në Gjirin e Lalzit.
Ndërkohë u bë e ditur se dosja e vjedhur nga kasaforta e Prokurorisë së Durrësit disa kohë më parë, si edhe dosja pronave të gjykatësit të vrarë disa vitë më parë, Skerdilajd Konomi janë gjetur në në bagazhin e makinës ku ndodhej prokurori i Durrësit Arjan Ndoja, ditën që iu bë atentati.
Vetë Ndoji u shpreh se dosjet e gjetura nuk janë ato të vjehdura nga Prokuroria por të një studioje ligjore të cilën e drejton vetë ai ku ofron konsulencë ligjore.
Kujtojmë që ditën e sotme në lidhje me atentatin ndaj prokurorit Arjan Ndoja ka rënë në pranga Redjan Rraja.
Redjan Rraja, u arrestua nga Policia e Shtetit, teksa po tentonte të largohej nga Shqipëria drejt Malit të Zi. Ai akuzohet si një nga autorët e atentatit ndaj prokurorit Arjan Ndoja më 1 nëntor 2019. Rraja u zbulua nga ADN-ja e gjetur në makinën Benz ngjyrë gri, që u gjet e padjegur në Ishëm.
