“Unë nuk isha atje, isha në një vend tjetër”, kështu është shfajësuar i riu shqiptar, Sergio Malaj, i ndaluar në Itali për vrasjen e të moshuarës, Diva Compagnucci.
Mediat italiane shkruajnë se ai është i dyshuari numër një për krimin, por ka tentuar të hedhë poshtë të gjitha përgjegjësitë. I ndihmuar nga avokati Andrea Romani, djali shqiptar vendosi të përgjigjet para hetuesve dhe të japë versionin e tij për ngjarjen.
Kjo në të vërtetë do të ishte ajo që u ishte deklaruar karabinierëve dhe zv.prokurorit Mirko Piloni gjatë marrjes në pyetje pasditen e së premtes. I riu shqiptar tha se nuk kishte qenë në atë apartament, se nuk kishte hyrë në ndërtesë dhe, mbi të gjitha, se nuk e kishte kryer atë vrasje.
Megjithatë, kundër tij ka shumë dëshmi, persona që e kanë parë në lagjen ku ndodhet ndërtesa, kamerat e sigurisë, por edhe rrobat që Policia gjeti në lavatriçen e tij, të cilat ishin të gjakosura.
Po kush është Sergio Malaj?
“Një djalë i mirë nga një familje e mirë”. Kështu e përshkruan një banor 24-vjeçarin shqiptar, të akuzuar për vrasjen e ish-mësueses së moshuar, Diva Compagnucci.
Në kohën e shkollës, kur Malaj, në vitin 2010-2011 filloi kursin Elektronik dhe Elektroteknik në Guglielmo Marconi në Civitavecchia, gjatë vitit të parë, në klasën 1A Et, ai pësoi, menjëherë pas fillimit të klasave, pezullimin e parë nga shkolla, të shkaktuar nga një numër i konsiderueshëm shënimesh në regjistër që e përshkruajnë djalin me një karakter disi tepër të egër.
Sipas Policisë italiane, pasditen e së premtes, shqiptari që dyshohet se ishin nën efektin e alkoolit ka shkuar në banesën e të moshuarës në Romë duke i kërkuar para, por kur ka hasur në kundërshtimin e 91-vjeçares e ka goditur duke e lënë të vdekur.
Sipas medieve italiane, gjithçka ka ndodhur për më pak se 50 euro.
Malaj donte para, por Compagnucci kishte pak më pak se 50 euro, të cilat do t’i përdorte për të shkuar te parukierja, pasi në mbrëmje kishte planifikuar të shihte një shfaqje.
