Gjykata Administrative e Apelit ka rrëzuar në seancën e sotme gjyqësore, ankimimin e Lulzim Alushajt, kandidat për Prokuror të Përgjithshëm ndaj KLP-së, ku sipas tij Këshilli i Lartë i Prokurorisë ka shkelur ligjin pasi ka mbajtur dy standarde.
Kështu, gara në fjalë për kryeprokuror vazhdon vetëm me tre emra: Arta Marku, Olsjan Cela dhe Farjona Memcaj.
Nga ana tjetër, Alushaj ka deklaruar që ky precedent është i rrezikshëm dhe se do të vijojë betejën. Sipas tij, më 17 qershor kur u mbyll gara për Prokurorin e Përgjithshëm, duhet te ishte skualifikuar edhe kandidati tjetër Olsian Çela, i cili s’kishte kaluar vettingun. Po kështu, Alushaj i kërkon trupës gjykuese të kryesuar nga Kastriot Selita qe ta quajë të paligjshme garën për Prokuror të Përgjithshëm, pasi sipas tij, KLP nuk ka respektuar ligjin për zhvillimin e garës.
Alushaj shprehet se diploma e tij është lëshuar më 15 qershor në vitin 2004 dhe pretendon se i plotëson 15 vitet punë si jurist i spikatur.
Prokurori ka ankimuar vendimin e Këshillit të Lartë të Prokurorisë për skualifikim nga gara.
Përfaqësuesi i Këshillit të Lartë të Prokurorisë në parashtrimin e tij thekson se zoti Çela ishte në proces rivlerësimi, dhe ligji për garen nuk e pengon një kandidatë prokuror që se ka kaluar vettingun, që të kandidiojë. Këshilli ishte i detyruar të priste përfundimin e rivlerësimit për kandidatin që erdhi nga radhët e prokurorisë.
