Eskorta e liderit të Vetëvendosjes, Albin Kurtit, është përfshirë mbrëmjen e kësaj të diele në një aksident rrugor në Tiranë, pranë zonës së Qafë Kasharit.
Si ndodhi aksidenit:
Eskortës që shoqëronte Kurtin i ka prerë rrugën një makinë që vinte nga rrugët dytësore, e cila ecte me shpejtësi të ulët. Tre automjetet e tjera kanë frenuar në kohë, por makina tip “Volvo” me të cilën ecte Albin Kurti ka frenuar me vonesë, duke u përplasur me automjetin e policisë.
Reagimi i kryetarit te degës së VetëVendosjes në Tiranë:
Sonte makina e Kryetarit të Lëvizjes Albin Kurti u aksidentua në një ndeshje zinxhirore të lehtë në Shqipëri kur po shkonte për te festa e fitores në Tiranë. Gjithçka është në rregull dhe asnjë njeri nuk është i lënduar. Aktivitetet vazhduan sipas axhendës dhe nuk ka vend për asnjë shqetësim.
/AlpeNews.al
