Një ngjarje aspak e këndshme ka ndodhur ditën e sotme në qytetin e Fushë-Krujës.
Një shtetas nga Kosova ndodhej në Shqipëri për të shitur makinë ne tij tip “Audi A6” me vlerë 30.0000 euro në vendin tonë.
Ai është takuar me pronarin e një lokali në Fushë-Krujë, ndërsa dhëndrri i pronarit ka marrë makinën për ta provuar në orën 08:00 të mëngjesit të ditës së sotme.
Pasi ai e ka marrë makinën, ai është zhdukur ndërsa ende nuk është kthyer.
Dritare.net ka kontaktuar me policinë e Durrësit, të cilët e kanë konfirmuar rastin, pa dhënë shumë detaje.
Shtetasi i Kosovës nga ana tjetër, ka bërë kallëzimin në polici, ndërsa është lajmëruar edhe amabsada e Kosovës, dhe stafi i saj ka shkuar në Fushë Krujë për të mësuar nga afër më shumë detaje rreth ngjarjes.
