“13 tetori nuk realizohet”! Kështu u shpreh aleati i Bashës dhe kreu i PAA, Agron Duka.
Duka tha se zgjedhjet ne 13 tetor nuk do të mbahen, pasi KQZ refuzoi dekretin e Presidentit. Ai u shpreh se 3 partitë opozitare u regjistruan formalisht në KQZ, me shpresën për një reagim pozitiv nga mazhoranca.
Agron Duka tha:
“Nuk mbahen zgjedhjet në 13 tetor, sepse në fakt u mbyllën të gjitha afatet. KQZ nuk u mblodh, pra 13 tetori nuk realizohet, dekreti i Presidentit u hodh poshtë. Faktikisht ka një dualizëm pushtetesh në realitetin shqiptar. Është ai i mazhorancës që sipas nesh ka kapur të gjitha institucionet dhe nga ana tjetër dekreti i Presidenti që njihet nga opozita. Pra nuk ka tre pole, por dy, mazhoranca dhe opozita që janë të qëndrueshëm dhe nuk lëshojnë asnjë hap nga qëndrimet e veta.”
