Familja e dy vëllezërve Baho, njeri prej te cileve u vra ne atentat, jeton në një vilë 3-katëshe në fshatin Broshkë të Elbasanit. Klevin Baho, mësohet se ishte kthyer nga Italia në Shqipëri në fillim të muajit maj.
22-vjeçari rezulton se është dënuar në shtetin fqinj për trafik droge. Pikërisht aktiviteti kriminal i të riut në Itali dhe prishja e pazareve të drogës dyshohet se është bërë shkak që të porositet vrasja e tij.
Hetuesit pritet që të kërkojnë më shumë informacion mbi aktivitetin e të riut nga drejtësia italiane, në mënyrë që të mund të arrijnë në zbulimin e autorëve të vrasjes.
Vetë vëllai i madh i viktimës, Aleksandër Baho, ka mohuar që të ketë konflikte. 30-vjeçari mori tre plumba në shpatull, ndërkohë që vëllai i tij i vogël mori plagë në kokë, gjë e cila i shkaktoi dhe humbjen e jetës.
“Na qëlluan në momentin që po shkonim në shtëpi. Nuk kemi asnjë lloj konflikti, nuk e di kush mund ta ketë bërë”, mësohet të ketë deklaruar para hetuesve Aleksandër Baho. Gjithashtu, dhe 30-vjeçari dyshohet se është përfshirë në aktivitet kriminal jashtë vendit, pasi rezulton me precedent penal.
