Një 54-vjeçar u arrestua nga Policia në Elbasan, pasi ka aksidentuar për vdekje një 65-vjeçar.
Sipas policisë, Shefqet Rama, në aksin rrugor Elbasan-Librazhd, në fshatin Mengël, duke drejtuar një kamioçinë është përplasur me një kafshë pune, të cilën e tërhiqte Z.N., 65 vjeç banues në Elbasan.
Z.N, është dërguar për ndihmë mjekësore në spitalin Kirurgjik Elbasan dhe më pas ka ndërruar jetë.
NJOFTIMI I POLICISË
Specialistët e Seksionit të Qarkullimit Rrugor, në Komisariatin e Policisë Elbasan bënë arrestimin në flagrancë: Shefqet Rama, 54 vjeç banues në Elbasan.
Arrestimi i tij, u bë pasi në aksin rrugor Elbasan-Librazhd, në fshatin Mengël Elbasan, duke drejtuar mjetin tip benz kamioçinë ATP, me targa EL 8223B , është përplasur me një kafshë pune, të cilën e tërhiqte Z.N., 65 vjeç banues në Elbasan.
Z.N., është dërguar për ndihmë mjekësore në spitalin Kirurgjik Elbasan dhe më pas ka ndërruar jetë.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” parashikuar nga neni 290 i Kodit Penal.
