Pas humbjes poshtëruese me Luftëtarin, ku Partizani u mund me shifrat e thella 5-0, tifogrupi “Ultras Guerrils” ka postuar një deklaratë të fortë në Facebook.
Tifozët ultras i përvishen vetëm lojtarëve, të cilët i cilësojnë si një tufë langonjsh, që vetëm në shërbim të fanellës së Partizanit nuk janë.
“Guerrils”, gjithashtu thonë, se ditën kur lojtari i fundit nga këta mercenarë do largohet nga Partizani, do jetë festa e tyre më e madhe. Ja dhe postimi i plotë i ultrasve.
“Sot menduat të na “gëzonit”, ne që bëmë 500 kilometra për të parë palaçollëkun tuaj të radhës. Ju nuk keni më as cipë e as turp, jeni një bërë një tufë langojsh që shqyeni njëri-tjetrin për një kockë.
Shqyet Juljanon për të kënaqur Sulën, tani shqyet Sulën për të kënaqur kush e di se kë! Por nuk jeni asgjë më shumë sesa një tufë langojsh, që veç fanellës së Partizanit nuk i shërbeni, këtë fiksojeni mirë!
Ditën kur do shporret më i fundit nga ju, mercenarë faqezinj, do jetë dhe festa jonë më e madhe sepse të gjithë bashkë nuk bëni gjë tjetër veçse turpëroni fanellën tonë të shenjtë!
Por nuk u bën më përshtypje as drejtuesve që veçse bëjnë show nëpër media me deklarata të bujshme. U bë e modës, drejtor i ri, premtime të reja, avaze të vjetra!
Thonë se peshku qelbet që nga koka! U bë kohë që kutërbon, por çështja është sa do vazhdojë të mos çrrënjoset e keqja që ka pushtuar Partizonin tonë. Apo kampionati ynë fillon në fazën e tretë me vitin e ri kinez?”.
Sot menduat të na “gëzonit”, ne që bëmë 500 kilometra për të parë palaçollëkun tuaj të radhës. Ju nuk keni më as cipë e…
Posted by Ultras Guerrils 08-09 on Sonntag, 17. Dezember 2017
