Kreu i bashkisë së Tiranës Erion Veliaj me rastin e Fiter Bajramit ka zhvilluar një vizitë në ambjentet e Komunitetit Mysliman në Tiranë.
Përpos urimit për të gjithë besimtarët, në një prononcim për mediat Veliaj nuk la pa ‘thumbuar’ edhe opozitën.
I ndodhur përballë Parlamentit, Veliaj u shpreh se pasi japin mend, duke iu referuar përfaqësuesve të opozitës, kalojnë trotuarin dhe godasin policët në anën tjetër.
“Pasi japin mend kalojën rrugën këtu dhe pastaj gjuajnë me tulla dhe gurë policët. Duhet të refkektojmë. Është shumë e rëndësishme që të jetojmë jetën që predikojmë, si nga kjo anë trotuarit ashtu edhe nga ana tjetër. Të nxjerrim mësime nga komunitetet fetare që bëjnë thirrje për vëllazëri dhe bashkëpunim. Paçi paqe të gjithë më shumë dashuri. Ky qytet ka 1 milion banorë po mund ta ruajë unitetin. Qofshi të gjithë të lumtur”, tha ai.
