Shërbimet stomatologjike mund të merren falas. Pas rikonstruksionit të klinikës stomatologjike Universitare në Tiranë, qytetarët mund të përfitojnë falas dhe me kosto të reduktuar shumicën e shërbimeve dentare.
Rreth 18 mijë pacientë në vitin 2018 kanë marrë shërbim në Klinikën Stomatologjike Universitare.
Anis Thodhorjana, Drejtori i kësaj klinike tregon se tanimë pas restaurimit shumica e shërbimeve ofrohen falas.
Anis Thodhorjana: Janë shërbime të nivelit primar stomatologjik dhe këto shërbime janë kryesisht për banorët në nevojë. Të gjithë fëmijët e grupmoshës nga 0-18 vjeç të gjithë shërbimet profilaktike i marrin falas.
Por sa kursejnë qytetarët?
Anis Thodhorjana: Për vendosjen e një proteze totale për moshat e treta çmimi në institucionet private në dijeninë time shkon nga 30 mijë lekë të reja deri në 50 mijë lekë të reja. Në institucionin tonë vlera është 6 mijë lekë të reja ose 60 mijë lekë të vjetra.
Edhe vetë qytetarët tregojnë se shpenzimet dentare janë minimizuar.
“Shumë më pak”.
“60 mijë lekë të vjetra jam shumë i kënaqur. Privati 300 mijë lekë”
Ndërsa në vitin 2017 në Klinikën Stomatologjike Universitare kanë marrë shërbim rreth 17.200 pacientë.
