Ministri i Brendshëm, Sandër Lleshaj komentoi arrestimin e Klement Balilit, ditën e sotme, duke sqaruar ata që ai thotë se “janë hutuar nga arrestimi i Balilit dhe mundohen të hutojnë të tjerë”.
“Për ata që janë hutuar nga arrestimi i Balilit dhe mundohen të hutojnë të tjerë: Mirëkuptim për mizën nën kësulë, por Balili ka llogari të hapura jo vetëm me drejtësinë shqiptare, po edhe atë të vendeve të tjera. Sa keq, opozitarët përqeshin, partnerët duartrokasin!”, tha ministri i Brendshëm, Sandër Lleshaj.
Klement Balili, person në kërkim, u arrestua mëngjesin e sotëm në një operacion që u përshëndet nga partnerët ndërkombëtarë të Shqipërisë.
