Krimi në familje vazhdon të jetë një alarm në Shqipëri.
Viti 2019 ka nisur aspak mbarë. Thënë kjo pasi u pasua me ngjarje tronditëse, ku vetëm në dy javë ka pasur 5 persona që kanë humbur jetën si pasojë e krimeve makabër brenda familjes.
Filloi me ngjarjen e rëndë në Ballsh ku burri vrau gruan dhe kunatën e vijoi me vrasjen e sotme ku dhëndri vrau vjehrrën dhe vjehrrin.
AlpeNews ju rikujton dhe njëherë ngjarjet tragjike ne familjet shqiptare në 2019:
Çfarë ndodhi sot:
14 JANAR 2019
Ndërkohë që ditën e sotme në Tiranë, dhëndri vrau vjehrrën dhe vjehrrin dhe më pas i dha fund jetës pas sherrit në familje .
Viktima të kësaj ngjarje të rëndë mbetën Bujar Mata, 63 vjeç, Valentina Mata, 52, dhe dhëndri Majlind Lala, ndërsa ky i fundit mësohet se prej një viti bashkëjetonte me vajzën e çiftit, por nuk kishte një martesë ligjore. Në momentin e krimit vajza e çiftit të vrarë ishte në shtëpinë e prindërve.
1 JANAR 2019
Në ditën e parë të këtij viti një tjetër krim në një familje shqiptare këtë herë në Greqi i mori jetën një vajze shqiptare 29-vjeçe. Pas grindjes në familje, babai vrau vajzën e tij dhe e groposi në oborrin e banesës, pasi ishte kundër lidhjes së saj me një afgan.
2 JANAR 2019
Në qytetin e Ballshit, burri vrau gruan dhe kunatën pas sherrit në familje.
Gazment Musta 34 vjeç refuzoi kërkesën e gruas për të shkuar te prindërit e saj me rastin e Vitit të Ri dhe gjatë debatit i dehur i qëlloi me thikë gruan dhe kunatën duke i lënë të vdekur në vend, ngjarja u shënua në sy të dy fëmijëve të mitur.
/AlpeNews.al
