Pesëdhjetë vjet më parë, bota ishte një vend shumë ndryshe nga sot. Në vitin 1967, Lufta e Ftohtë ishte e tensionuar, Shtetet e Bashkuara po përballeshin me trazirat e mëdha, lufta në Vietnam po përshkallëzohej dhe Izraeli luftonte Luftën gjashtëditore me fqinjët e saj.
Në ato ditë, dikush që shkonte për të punuar nuk rrethohej nga njerëz që ndiznin telefonat e tyre dhe vendosnin kufje në vesh, ndërsa diçka si interneti ishte plotësisht përtej logjikës njerëzore.
Qendra Kërkimore Pew kohët e fundit ka anketuar 43,000 persona në 38 shtete nëse jeta është më e mirë sot se 50 vjet më parë.
Hulumtimi gjeti se vendet që janë pozitive për gjendjen e tyre ekonomike kanë tendencë të jenë më optimiste sot se 50 vjet më parë.
Kjo mund të shihet në Indi, e cila ka parë që ekonomia e saj po zhvillohet me shpejtësi në vitet e fundit. 17 për qind e njerëzve në Indi thonë se gjërat janë më të këqija se në vitin 1967 ndërsa 69 për qind mendojnë se gjërat janë më të mira.
Koreja e Jugut dhe Japonia, dy vende të tjera që kanë pësuar transformime masive ekonomike në 50 vitet e fundit, janë gjithashtu shumë pozitive.
