I ftuar në emisionin “5 pyetje nga Babaramo”, Kreu i Grupit Parlamentar të PS, Taulant Balla është shprehur se Presidenti Ilir Meta duhet ta kishte dekretuar Sandër Lleshin në krye të Ministrisë së Brendshme.
Balla tha se kjo nuk është çështje bindjesh personale të presidentit por është çështje kushtetuese dhe sipas tij presidenti duhet të kishte firmosur propozimin e kryeministrit ndërsa tha se 25 deputetë të PS-së do t’i drejtohen me shkrim kreu të shtetit.
“Nuk është çështje bindjesh, është çështje e frymës kushtetuese. Presidenti ishte i detyruar ta dekretonte Sandër Lleshin… Besoj që Meta do gjej kapjen e boshllëkut që ka krijuar duke sjell përsëri në Kuvend dekretin për ministrin e ri”, ka thënë Balla, i ftuar në emisionin “5 pyetje nga Babaramo”.
Gjithashtu Taulant Balla është shprehur se nëse Presidenti Ilir Meta nuk jep argumentet për kthimin e dekretit, 25 deputetë do t’ i kërkojnë përgjigje me kërkesë.
