Kostandinos Kaçifas, minoritari grek që mbeti i vrarë sot gjatë një aksioni të RENEA për kapjen e tij ka qenë paramilitar i shtetit grek.
35-vjeçari ishte pjesë e organizatës ekstremiste Agimi i Artë si dhe pjesë e “Legjionet e Shenjta 2012”, një organizatë paramilitare që trajnohet periodikisht nga shteti grek. Në këtë grupim bëjnë pjesë edhe shumë ushtarakë e oficerë rezervë grekë apo minoritarë.
Gjithashtu Kacifas ishte pjesë e forumit Rinia e Vorio-Epirit, një organizatë ekstremiste që propagandon pavarësinë e “Epirit të Veriut” nga Shqipëria.
Në rrjetet sociale ai shprehte hapur urrejtjen ndaj shqiptarëve si dhe bënte thirrje për pavarësinë e Vorio Epirit.
