Ministri i Brendshëm, Fatmir Xhafaj i është përgjigjur akuzave të Lulzim Bashës i cili prej kohësh vijon me retorikën se në Shqipëri ligjin e bëjnë bandat, të cilat kanë kapur shtetin.
Përmes një grafiku të publikuar nga ministri Xhafaj tregohet numri i vrasjeve në Tiranë gjatë kohës kur Basha ishte ministër i Brendshëm krahasuar me sot.
Kështu, siç shihet edhe nga grafiku, në periudhën janar – shtator 2010 në Tiranë janë vrarë 17 persona, ndërkohë për të njëjtin hark kohor në vitin 2018 janë regjistruar vetëm 8 vrasje.
Postimi i plotë:
Luftë pa kompromis ndaj këtyre grupeve kriminale, të skeduara tashmë. “Forca e Ligjit” vepron e do vazhdojë të shënojë rezultate, pa kompromis ndaj të gjitha grupeve kudo janë e çfarë janë. Shihni Tiranën kyeqytetin tonë! E VËRTETA flet me shifra më shumë se me fjalë!
SHPIFJE dhe E PAVËRTETË! Lulzim Basha, ish-ministri më i pa aftë deklaroi se: “Krimi është më i fortë se kurrë, forcat e rendit dhe organet e ligjit janë më të shpartalluara, më të dobëta se kurrë”.
