Situata në fshatin e Fushës së Gjolës në Fushë Krujë është mjaft problematike.
Uji ka përmbytur katet e para të shtëpive duke shkaktuar dëme të konsiderueshme.
Grupet e emergjencave ndodhen në terren për evakuinmin e banorëve. Por disa prej tyre refuzojnë të largohen edhe pse shtëpitë e tyre janë të përmbytura pasi nuk kanë ku të strehohen.
Disa prej tyre shkojnë tek të afërmit, tek fqinjët ndërsa pjesa tjetër e banorëve nuk kanë se ku të strehohen.
Në këtë zonë është e nevojshme një qendër strehimi për banorët. Ata kanë nevojë për ushqime dhe veshëmbathje pasi gjithçka që kanë pasur i ka marrë rrjedha e ujit.
Nuk është hera e parë që zona është përmbytur. Kjo situatë ka ndodhur edhe më parë. Banorët thonë se nuk kanë marrë as dëmshpërblimet e viteve të kaluara dhe nuk kanë shpresa që këtë vi të kompensohen për dëmet nga shteti.
