PËRKEQËSIMI I MOTIT/ Në Dibër vërshojnë lumenjtë, ka rrëshkitje toke (VIDEO)

Reshje me densitet të lartë prej më shumë se 30 orësh në gjithë Qarkun e Dibrës. Për pasojë ka pasur vërshime të përrenjve malorë. Situata më problematike ka qenë në Dibër , pasi nga gërryerja e përrenjve janë dëmtuar 3 shtëpi , të cilat janë evakuar në kohë. Nga prurjet e Lumit Seta janë rrezikuar 2 shtëpi 1 lokal dhe një rezervat peshku. Ka bllokime të disa fshatrave si pasojë e gërryerjeve nga përrenjtë e Bellovës , Selishtës dhe Zall Dardhës.
Në Bulqizë ka patur rrëshqitje dhe është rrezikuar ujësjellësi i qytetit. Janë pa energji në Dibër , njësitë Reç , Melan dhe Sllovë , ndërsa në Bulqizë , njësitë Martanesh , Ostren dhe pjesërisht Zerqani. Në Mat probleme ka patur në njësinë Xibër pasi është shembur rruga që lidh Xibrin me Tiranën. Rrëshqitje masive ka patur edhe në Suç.