Rediart Cankja dhe Shpresa S. do të qëndrojnë në një qeli në Francë deri në tetor. Kjo është ajo që vendosi një gjykatë në Francë ndaj dy të arrestuarve disa ditë më parë, pasi në makinën me të cilën lëviznin u gjetën rreth 3 kg heroinë.
Sipas të njëjtave burime, gjatë marrjes në pyetje, të dy kanë mohuar të keni dijeni lidhur me sasië e drogës së gjetur në makinën që është në emër të shtetases kosovare.
Këngëtarja Shpresa.S
Shpresa S., 43 vjeçe është një këngëtare e muzikës popullore. Ajo përforcon në komunitetin shqiptar në Antwerp të Belgjikës, por edhe në vende të tjera të Europës, raportuan më herët mediat belge. Të dielën e kaluar, Shpresa dhe Rediarti ishin rrugës për një shfaqje në Gjenevë të Zvicrës, kur u ndaluan në kufirin franko-zviceran në Viry. Agjentët e doganës zbuluan tre kilogram heroinë në një vend të fshehur në makinën e tyre. Shpresa S. njihet si person i përfshire në trafikun e drogës, raportuan pas aksionit të së dielës mediat belge.
Politikani Rediart Cankja
Rediart Cankja është i njohur në jetën politike në Kosovë dhe Belgjike.
Jeta politikë në Kosovë
Cankja rezulton të jetë zyrtar në Lëvizjen Vetëvendosje, raportuan mediat në Kosovë, pas lajmi të arrestimit të tij.
Cankja, në vitin 2017 ishte zgjedhur kryesues i Këshillit të Qendrës së VV-së në Belgjikë. Madje për këtë partia e Albin Kurtit kishte njoftuar edhe zyrtarisht nëpërmjet një komunikate për media. “Këshilli i Qendrës në mbledhjen e tij konstituive, zgjodhi Kryesinë e Qendrës. Bujar Krasniqi u zgjodh nënkryetar i parë, Valon Vuçetaj nënkryetar i dytë, Dardan Prebreza sekretar Organizativ dhe Erblin Shala koordinator i Nënkomiteteve. Kryesues i Këshillit u zgjodh Rediart Cankja, i cili do të ketë Gazmend Fetain si zëvendës. Anëtarët e tjerë të Kryesisë u zgjodhën: Agon Efendiu, Ilir Morina dhe Urata Hysenaj’,thuhej në komunikatën e VV-së në vitin 2017.
Cankja ka fotografi gjatë zgjedhjeve të qendrës së VV-në Belgjikë, dhe gjithashtu ka fotografi edhe me Albin Kurtin.
Jeta politikë në Belgjikë
Kur ishte adoleshent, ai emigroi nga Shqipëria nëpërmjet Gjermanisë në Belgjikë. Pas një jete në ilegalitet, filloi të punonte si përkthyes shqiptar, ndër të tjera për policinë. Përveç kësaj, ai jep kurse integruese për të ata shqiptarë që sapo kishin emigruar në Belgjikë.
Teksa zgjedhjet lokale afrohen në Belgjikë, Rediart Cankja është në vendin e 46-të të listës së partisë “CD & V” në Antwerp dhe në vendin e dhjetë të listës së “CD & V” në Ekeren.
