Zbulohet dhe vihet ne pranga autori i grabitjes nen kercenimin e armes te nje shtetaseje ne Vlore. Policia ben me dije se ka arrestuar shtetasin Bledar Sulejmani, 35 vjeç, banues në Vlorë. “Ky shtetasi me datë 16.08.2018, në një rrugë të lagjes “29 Nëntori” i ka vjedhur me dhunë portofolin dhe bizhuteri shtetases M.P.”- njofton policia.
Njoftimi i policise
Ndalohet nga policia shtetasi:
– Bledar Sulejmani, 35 vjeç, banues në Vlorë.
Pas një pune hetimore të shërbimeve të policisë për goditjen e kriminalitetit në qytet është bërë e mundur ndalimi i këtij shtetasi, i cili me datë 16.08.2018, në një rrugë të lagjes “29 Nëntori” i ka vjedhur me dhunë portofolin dhe bizhuteri shtetases M.P. Nga veprimet hetimore të kryera në lidhje me rastin, policia ka bërë sekuestrimin e nje pistolete sportive tip “Ekol Firat Magnum” e kalibrit 9 mm si dhe 7 fishekë, e cila dyshohet të jetë përdorur nga ana e autorit për kryerjen e vjedhjes me dhunë. Gjithashtu, më datë 23.08.2018, Gjykata i ka caktuar masën e sigurisë “Arrest në burg” për veprën penale “Vjedhje me dhunë” parashikuar nga neni 139 i K.Penal.
